Plantun de Prouvènço

Pèr coumpara dos planto d'encò nostre

Festuca flavescens & Schistidium crassipilum

Festuca flavescens

Poaceae Graminaceae

Nom en français : Fétuque jaunâtre.

Descripcioun :
Aquesto petugo trachis en mato di li bos de resinous sus sòu séusous, majamen dins li melounié. Es uno planto coumuno qu'èi pas trop tihouso de recounèisse emé si lòngui fueio d'en aut primo, laco e verdo claro (aquéli d'en bas soun mai courto). Li paumo (paniculo), longo de 4 à 14 cm, porton d'espigueto jaunasso de 8 à 12 mm e emé 3 à 6 flour. Li lemma podon agué una arèsto courteto (0,8 mm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 25 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Festuca
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 4 à 14 cm
Flourido : Printèms - Estiéu

Sòu : Si
Autour basso e auto : 1000 à 2600 m
Aparado : Noun
Jun à juilet

Liò : Melouniero - Pinedo - Sapino - Esboudèu
Estànci : Mountagnard à Subaupen
Couroulougi : Ouroufito-Ouèst-Aupenco
Ref. sc. : Festuca flavescens Bellardi, 1792

Grimìo-de-la-pouncho-espesso

Schistidium crassipilum

Grimmiaceae

Nom en français : Grimmie à pointe épaisse.

Descripcioun :
La grimìo-de-la-pouncho-espesso dóu gènre Schistidium trachis en couissin pu o mens sarra e de coulour bruno à óulivo sus li roco cauquiero. Douno de ramo irreguliero que podon faire fin qu'à 5 cm d'aut. De proumié abord se recounèis à sis urno aurenjo 'mé uno couifo pounchudo roujo un pau espesso e peréu à si fueio en lanço verd-óulivo generalamen acabado pèr un pouncho ialino. Li dènt dóu peristome soun drecho e acabado pèr un pouncho bruno. La sedo jauno à aurenjo èi courteto (0,5 mm).

Usanço :
S'atrovo au nostre d'àutri meno dóu gènre Schistidium que ié sèmblo proun coume S. elegantulum, S. robustum, S. singarense nouma group Schistidium apocarpum.